2008/03/27
Etxebizitzen prezioa %8 merkatuko da aurten eta, gainera, ehunka mila lanpostu galduko dira, sektorean egin beharko den doikuntzaren ondorioz, Madrilgo Etxebizitza Sustatzaileen Elkarteak txosten batean nabarmendu duenez.
Txostenak baieztatu egin du eraikuntzaren sektorean krisia badagoela. Izan ere, gero eta zailagoa da etxebizitza bat saltzea, baina baita mailegu bat ordaintzea ere, Euriborra etengabe hazten ari baita.
Banku-produktuetako Agentzia Negoziatzailearen arabera, hipotekaren bat duten sendien erdiak (%53) mailegua ordaintzeko epea luzatzeko prest daude, hilabetero diru gutxiago eman ahal izateko.
Soldaten %40 finantza ordainketak egiteko zuzentzen duten sendien kopurua 13 puntu hazi da azken urte erdian. Gainera, familia horietako erdiek baino gehiagok hiru kreditu edo gehiago ordaintzen dituzte.
Aupatu
Zabaldu