Hogei lagun inguru etxetik atera dituzte, sute baten ondorioz

Hogei pertsona inguru etxetik atera izan behar dituzte gaur goizaldean, Donostiako Andia Kaleko etxebizitza batean sutea piztu eta gero.

Edonola ere, ez da inor zauritu eta ez da kalte material handirik izan.

Lehen ikerketen arabera, igogailuaren motorra dagoen aretoan, 03:30ean, piztu da sua, Jaurlaritzako Herrizaingo Sailak zehaztu duenez.

Suhiltzaileek erraz amatatu dute sua, eta auzokideak handik eta ordu batzuetara itzuli ahal izan dira etxera.