Jessica Urizarren autopsiaren emaitzen zain, hilabete eta gero

Hilabete igaro da Jessica Urizar Kortezubiko (Bizkaia) neskatoa Cabrera de Marreko (Katalunia) aterpetxe batean hil zela eta oraindik ez dago argi nola zendu zen.

Joan den urriaren 12an, bi osasun-zentro ezberdinetan artatu zuten, sabelean min handiarekin zegoelako eta botaka egiten zuelako. Gastroenteritis birikoa antzeman zioten eta dieta egitea gomendatu.

Umea aterpetxera bidali zuten eta, 07:30 inguruan, bertan hil zen. Orduz geroztik autopsiak esango duenaren zain daude Jessicaren gurasoak.

Neskatoa "modu egokian" artatu zutela adierazi zuen Kataluniako Generalitateko Osasun departamentuak urriaren 19an. Nolanahi ere, autopsiaren emaitzek egiaztatu edo gezurtatuko dute bertsio ofiziala.