Espainiako Gobernuak helegitea jarriko du 19 federazioren estatutuen aurka

Paulino Luesma Espainiako Gobernuaren ordezkariak 19 euskal kirol-elkarteren estatutuen aurkako helegitea aurkeztuko du "Euskadiko kirol-arloari Estatuko zein nazioarteko ordezkapena emateagatik".

Komunikatu baten bidez, Luesmak azaldu du Estatuko Abokatuak 19 errekurtso aurkeztuko dituela EAEko Auzitegi Nagusian.

Aipaturiko federazioak honako hauek dira: txirrindularitza, karate, kirol egokitua, eskubaloia, euskal jokoak eta kirolak, atletismoa, igeriketa, borroka eta samboa, halterofilia, gimnasia, surf, hipika, triatloia, automobilismoa, errugbia, judo, xakea, urpeko kirolak eta tiro olinpikoa.

Espainiako Gobernuak Kirol Legearen aurka (lege horretan errekurritako estatutuak daude) egin zuen. Jaurlaritzak azaldu zuenez, lege horrek Estatuko zein nazioarteko izaera eman nahi zion euskal kirolari eta, halaber, Konstituzioaren 149-1-3 artikuluaren kontra jo zuen.