Venezuelak Amorebieta jokalaria nahi du

Rafael Esquivelek, Venezuelako Futbol Federazioko presidenteak, Fernando Amorebieta Athletic Clubeko jokalaria bere selekzioarekin jokatzea "oso berri ona" izango litzatekeela adierazi du.

Jokalariak berak irekita utzi du aukera hori "nire taldeari eta niri zer komeni zaidan aztertu behar dut". Amorebieta Venezuelan jaio zen eta bi urte zituenean Euskal Herrira jo zuen, Iurretara hain zuzen ere.

Esquivel presidentea oso pozik azaldu da jokalariak erakutsitako jarrerarekin, "oso positiboa da jokalariaren interesa. Richard Paez teknikariari luzatuko diot gai hau hemendik aurrera jokalariaren ibilbidea aztertzeko eta jarraipena egiteko".

2007. urtean Amerika Kopa Venezuelan bertan jokatuko da eta Federazioa ahalegin handia egiten ari da taldea indartsua izateko eta, behintzat, lehen fasea gainditu ahal izateko.