"Gorkaren alde" plataformak honen kontrako inputazioa kentzeko eskatu du

argazkia handitu

Gorka Agirreren aldeko plataformaren aurkezpena

Multimedia

• Juan Luis Laskurain, "Danak gara Gorka"
• Gorka Agirreri babesa adieraztelp manifestua oso-osorik

Erlazionatutako albisteak

• 30.000 euroko bermea ezarri dio Marlaskak Gorka Agirreri
• Arzalluzek ohartarazi du EAJk Konstituzioa inpugnatu lezakeela

ETAri laguntza ematea leporatzen dioten Gorka Agirreri babesa emateko sortutako "Gorkaren alde" plataformak, jeltzaleen buruaren kontrako inputazioak baztertzeko eskatu du gaur eta azken honek bakearen alde egindako lana goraipatu du.

Manifestua hainbat pertsonek sinatu dute, tartean, Carlos Etxepare Kutxako presidenteak, Mari Carmen Garmendia Kultura sailburu ohiak, Juan Maria Atutxa legebiltzarreko presidente ohiak, Iñaki Anasagasti EAJko senatariak, Margarita Uria diputatuak, Javier Clemente Athletikeko entrenatzaileak, Jose Elorrieta ELAko idazkari nagusiak eta Roberto Laiseka txirrindulariak.

Bestalde, Abandoko (Bilbao) EAJk Gorka Agirreren aldeko plataforma bat sortu du "gorkaagirrerenalde.com" izenarekin eta "Danak gara Gorka" leloarekin.

"Min ematen digu, Euskal Herrian hain ezaguna den Gorka Agirreren aurka neurri horiek hartzen direla ikusteak. Burla egiten ari dira, ETAren mehatxuak jasan eta indarkeriaren ondorioz hainbat lagun galdu dituen honi, talde armatuari laguntza ematea leporatzen diote eta", dio agiriak.

Honen arabera, "Gorka Agirreren ibilbide politikoa bi printzipiotan oinarritu izan da: Euskal Herriaren aldeko konpromisoan eta indarkeriaren gaitzespenean".

1.500 sinadura

Elkartasun plataformak gutxienez 1.500 sinadura jaso ditu lehen egunean, bere web orrian.

Plataforma honek eta EAJk kontzentrazioak deitu dituzte arratsalderako, Agirreri babesa eskaintzeko.