2008/05/16
María Victoria Campos, Juan Manuel Piñuel ETAk Legution hildako guardia zibilaren alargunak agerraldia egin du gaur hedabideen aurrean.
Hunkituta baina indartsu agertu da gaur arratsaldean Malagako hotel batean eginiko prentsaurreko laburrean. Bertan, idatzi bat irakurri du. Lehenik, lagunei, sendiari, terrorismoaren biktimei, agintariei eta hainbat erakunderi eskerrak eman dizkie babes handia eman diotelako.
Euskal Herriari ere eman dizkio eskerrak "indarra, duintasuna eta handitasuna" erakutsi dituelako.
Bigarrenik, haren senarraren hiltzaileei mezua helarazi nahi izan die: "Ez zarete ezer, zaborra zarete, puntu beltz bat herrialde garbi honetan", esan die.
"Jakin dezatela ez dela horrela geldituko, borrokan dihardugula eta borrokatuko dugula hiltzaile miserable hauen gaitza amai dadin eta denon laguntzarekin lortuko dugu", esan du.
Azkenik, lasai utz dezatela eta bere intimitate errepesta dezatela eskatu die hedabideei, sei urteko alaba hezi ahal izateko.
"¡Gora Espainia eta gora Guardia Zibila!" oihukatuz eman dio amaiera Maria Victoria Camposek prentsaurrekoari.
Lepoan zintzilik, Juan Manuel Piñueli Zapatero presidenteak emandako Merituaren Urrezko Gurutzea zeraman alargunak.
Euskadi Irratiko azken albistegia
webgunearen portadan, erabiltzaileek emandako botoei esker:
Aupatu
Zabaldu
