Guardia zibil batek irekiko du Kursaaleko ekitaldia

argazkia handitu

Markel Olano, Maixabel Lasa eta Odon Elorza Kursaaleko ekitaldiaren aurkezpenean. Argazkia: EFE

Multimedia

• Maixabel Lasa critica la decisión del PP de no acudir al acto del domingo en el Kursaal

Erlazionatutako albisteak

• Maixabel Lasak Kursaaleko ekitaldia erabat egokia izango dela esan du
• ETAk guardia zibil bat hil du Legution, bonba bat zartarazita

Guardia zibil bat izango da Eusko Jaurlaritzak iganderako Donostian antolatu duen ekitaldian parte hartuko duen lehenengoa, Juan Manuel Piñuelen omenaldi gisa.

Biktimei omenaldia egiteko igandean izango den ekitaldi instituzionalean terrorismoaren ondorioak jasan dituzten lau pertsonak hartuko dute parte. Lehenengo Leoncio Sainz izango da, Galdakaon, 1984ko urriaren 14an, atentatuan zauritutako guardia zibila.

Terrorismoaren Biktimenganako Arretarako Bulegoak agiri batetan azaldu duenez, Sainek irekiko du ekitaldia. Piñueli egindako omenaldian, besteak beste Juan Jose Ibarretxe lehendakariak hartuko du parte, eta terrorismoaren aurkako borrokan “Estatuaren Segurtasun Indarrek burutzen duten lana” goraipatuko du.

Omenaldian ETAren aurka 80 hamarkadan aritu ziren eskuin muturreko taldeen biktimek ere hartuko dute parte. Jesus Maria Arana, Liborio Aranaren (ETAren aurkako taldeak, GAEk, bere gain hartu zuen atentatuan hildakoa )semea, ere bertan izango da.

Terrorismoaren biktimen aldeko ekitaldi instituzionalak alderdi politiko guztien bermea jaso zuen hasiera batetan, baina PP albo batera gelditu zen, Covite, Terrorismoaren Biktimen Euskadiko Kolektiboak, parte hartuko ez zuela jakin zutenean.