Tentsioa "energia positiboa" bihur dadila espero du Izcok

argazkia handitu

Patxi Izco, Osasunako presidentea. Argazkia: EFE

Erlazionatutako albisteak

• Santanderreko partidarako sarrerak berehala agortu dira
• Ricardo: "Denboraldi osoa dugu jokoan partida bakarrean"
• Dady: "Santanderren irabaztea da gure asmo bakarra"

Patxi Izco Osasunako presidenteak igandeko partidako tentsioa "energia positiboa" bihur dadila espero du. Gorritxoek Racingen aurka jokatuko dute igandean (18:00) jaitsiera saihesteko azken partida.

"Jokalariek logikoa den tentsioa dute eta hori energia positiboa bihur dadin espero dut. Taldea aurrera aterako da, indartsu zelairatuko da eta emaitza positiboa izatea espero dugu", esan du Izcok.

Taldeari helarazten dion mezuari buruz "jokalariek mezua ezagutzen" dutela adierazi du. "Denboraldiko partidarik garrantzitsuena da eta aurkaritzat Racing egokitu zaigu. Garaipena lortzeko gai ez bagara beste emaitzetan jarri beharko dugu arreta", gaineratu zuen.