FARCen ordenagailuetan ez dute aldaketarik egin, Interpolen arabera

argazkia handitu

Ronald Noble Interpoleko idazkari nagusia. Argazkia: EFE

Multimedia

• "Pailazo, mafioso eta eskale" deitu dio Chavezek Interpoleko idazkari nagusiari

Erlazionatutako albisteak

• "Raul Reyes" FARCeko zuzendaritzako bigarrena hil du Kolonbiako Armadak
• Tentsio diplomatikoa Liman
• Uribek Chavez salatuko du, "terrorismoa babesten" duelakoan
• Correa: "Kolonbiaren erasoak Betancourten askatzea zapuztu zuen"
• Kolonbiak Ekuadorren subiranotasuna bortxatu zuela adostu dute biek
• Correa: "Ekuadortarren bat hil izan balitz, gerran egongo ginateke"
• Kolonbiaren jarrera "gogor gaitzesteko" eskatu dio Ekuadorrek nazioarteari
• Nikaraguak Kolonbiarekiko harremanak hautsi ditu
• Uriberen, Chavezen eta Correaren arteko bostekoak krisiari amaiera eman dio

Interpolek ziurtatu duenez, Kolonbiako Armadak martxoak 1ean, Ekuadorren, Raul Reyes FARCeko gerrillako bigarrenaren kanpamenduaren aurka egindako erasoan konfiskatutako hiru ordenagailuetan ez da aldaketarik izan.

Ronald Noble estatubatuarrak, Polizia Kriminalaren Erakunde Internazionaleko (Interpol) idazkari nagusia, ziurtatu duenez, ordenagailuak aztertu dituzten nazioarteko adituek ez dute aldatu dituztela dioten "frogarik aurkitu", baina ez dute ordenagailu horien edukiaren inguruan hitz egin.

Kolonbiako hedabideen arabera, ordenagailu horietan Ekuadorreko eta Venezuelako Gobernuen eta FARCen arteko loturak agertzen ziren.

Chavezek Kolonbiarekiko harreman komertzialak aztertzearekin mehatxatu du

Interpolek Bogotan txosten luze hori eman ondoren, Hugo Chavez Venezuelako presidenteak Kolonbiako Gobernuaren eta Alvaro Uribe herrialde horretako agintariaren aurka egin du, eta "lotsagarritzat" jo du Interpoleko buru batek lurralde bat beste batean indarrez sartzea eta erailketak babestea.

Venezuelako presidenteak Ronald Nobleren aurkako erasoak azpimarratu ditu, eta "zital, pailazo, mafioso eta arlote" deitu dio.

Horrez gain, Chavezek Venezuelaren eta Kolonbiaren arteko harreman komertzialak berriz aztertzearekin mehatxatu du, herrialde horrekin duen merkataritza ezinbestekoa ez dela eta Brasilekin duenarekin ordezkatu daitekeela gaineratuta.