Rajoyri babesa agertzeko eskatu dio Arabako PPk San Gili

argazkia handitu

Iñaki Oiarzabal Arabako PPko idazkari nagusia. Argazkia: EFE

Erlazionatutako albisteak

• Rajoyrekiko "konfiantza" berreskuratu ezean kargua utziko du San Gilek
• San Gilek ez du babestuko PPren txosten politikoa

Arabako PPk batasunerako deia egin eta "esfortzua" eskatu dio Maria San Gili. Hain zuzen ere, Mariano Rajoy babestuz egoera berriro bideratzeko eskatu dio.

Bart Radio Euskadiko "Ganbara" saioan egindako elkarrizketa batean, Iñaki Oiarzabal Arabako PPko idazkari nagusiak adierazi du alderdi barruko gatazkak ez direla konponezinak eta gaizki-ulertuen ondorio direla.

Lurraldeko zuzendaritza hiru orduz batzartuta egon zen atzo arratsaldean, eta giroa nahasita dagoela aitortu zuen. Hortaz, arazoak berehala konpontzea exijitu zuen.

Atzokoa PPko lurralde batzar bat bildu zen lehen aldia izan zen San Gilek kargua uzteko mehatxua egin zuenetik.

Astelehenean, EAEko PPko zuzendaritzak bilera egingo du Donostian, eta hori guztia hartuko du hizpide.