89 lagun hil dira Indian, harea-ekaitza batean

Gutxienez 89 pertsona hil dira Indian harea-ekaitza baten eraginez, Uttar Pradesh iparraldeko estatuan, Barne Ministerioko bozeramaile batek jakitera eman duenez.

Uttar ekialdeko distrituak jotzen ari da batez ere haizetea, Indian biztanle gehien duen ingurua. Hildakoez gain, zaurituak ehunka izan daitezke; etxeak eraitsi dira, zuhaitzak sustraietatik atera ditu eta argindar posteak ere behera etorri dira.

Biktimak suteetan eta eraikinak erortzean hil dira. Izan ere, harea-ekaitza oso gogorra izan da.

Atzo bertan, Delhiraino iritsi zen haizetea, kalteak ez ziren hainbestekoak izan, baina zuhaitzak bota eta txikizioa eragin zuen zenbait lekutan.