Obama, gero eta gertuago

argazkia handitu

Jesus Torquemada nazioarteko aditua. Argazkia: EiTB

Edwads "hirugarrena" zen Alderdi Demokrataren presidentegaia izateko lasterketan. Otsailean erretiratu egin zen, aukerarik ez zuela bazekielako, baina hala eta guztiz ere, jarraitzaileak izaten jarraitu du.

Asteartean Mendebaldeko Virginian egindako primarioetan, adibidez, botoen %7 lortu zituen, aurkeztu ez bazen ere.

Hori dela eta, ikusmin handia zegoen noren alde egingo zuen jakiteko. Edwardsek eta Clintonek hautesle berberak izan dituzte helburu eta, beraz, New Yorkeko senatariaren alde egingo zuela zirudien logikoena, baina azkenean Obamaren alde egin du, eta ondorioz irabazteko aukerak handitu egin dizkio.

Alderdi Demokratako baroi gehienak Obamaren alde agertu dira jada, Kennedy eta Richardson sendiak tartean, Bill presidente eta Hillary "lehen dama" zirenetik Clintondarrei mesede ugari zor badizkiete ere.

Al Gore baino ez da oraingoz argi eta garbi mintzatu; baina isilik egotea ere seinalea bada, ez baitu Hillary babestu (Bill Clintonen presidenteordea izan zen).

Obamak gero eta gertuago du Alderdi Demokrataren presidentegaia izatea. Hortaz, bada garaia azaroko Konbentzioan irabazteko dituen aukerez hitz egiteko eta Mendebaldeko Virginiako primarioetan ageria geratu zen arrazakeria herrialde osora zabalduko den aztertzeko.