2008/05/13
Gamesak 400 langile baino gehiago beharko dituen lantegia zabalduko du laster. Agoitzeko (Nafarroa) lurretan jarriko du eta haize erroten hegalak egingo dituzte bertan. Gaur egungo aurreratuenak eta handienak izango dira. Lantegia apirilean produzitzen hastea espero dute.
65 milioi euroko inbertsioa iragarri du gaur Guillermo Ullacia Gamesa Teknologi Korporazioaren presidenteak haize-sorgailu aurreratuenen produkzioan arituko den lantegia martxan jartzeko.
Miguel Sanz Nafarroako Gobernuko presidentearekin batera eman du prentsaurrekoa Ullaciak gaur. Gaur egun produzitzen ari diren haize erroten hegalek bi megawatteko potentzia dute eta Agoitzen egingo dituztenak 4,5 megawatteko potentzia izango dutela azaldu du.
Haize-sorgailu berri horiekin energiaren kostuak aurreztu, produkzioa handitu eta zarata eta pisua gutxituko dituzte.
Euskadi Irratiko azken albistegia
webgunearen portadan, erabiltzaileek emandako botoei esker:
Aupatu
Zabaldu
