300.000 lagunek baino gutxiagok jaso dute NBEren laguntza humanitarioa

argazkia handitu

Laguntza materialeko kamioia. Argazkia: EFE

Multimedia

• Myanmarreko Junta Militarrak herrialdeko mugak zabaldu dizkio nazioarteko laguntzari

Erlazionatutako albisteak

• Soilik Bogalay hirian 80.000 pertsonak laguntza behar dute
• Myanmarreko errefuxiatuen zelaiek kartzela tankera hartu dute
• Parte-hartze masiboa izan dela esan du Myanmarreko Junta Militarrak
• Hondamendia gertatu bada ere, Junta Militarrak erreferenduma mantentzen du
• Hondamendia Myanmarren: 22.464 lagun hil dira

Erlazionatutako galeriak

• 'Nargis' zikloiak Myanmar astindu du

Hamar egun igaro dira Nargis zikloiak Myanmarrera tragedia ekarri zuela eta oraindik 270.000 lagunek baino ez dute Nazio Batuen Erakundeak igorritako laguntza humanitarioa jaso, hots, nyanmartarren herenak baino gutxiagok. Hori dela eta, erakunde horrek ezinbestekotzat jo du laguntza airez edo itsasoz bideratzea.

Migrazioetarako Nazioarteko Erakundeak (OIM) itxaropena agertu du Myanmarreko eta Tailandiako gobernuek laguntza humanitarioa azken herrialde horretatik bideratzea adostu dezaten.

Elizabeth Byrs NBEren Laguntza Humanitariorako Bulegoko bozeramaileak deitoratu duenez, oraingoz 300.000 pertsonek baino gutxiagok jaso dute laguntza, kaltetutako lagunak milioi bat eta erdi baino gehiago direnean.

Myanmarreko hondamendian 23.000 pertsona hil dira, 42.000 desagertuta daude eta 1.500 zaurituta. Datu ofizialak dira, baina biktimen kopurua askoz handiagoa dela uste dute.

Myanmartarrek eurek laguntzea baztertu dute

Hori gutxi balitz bezala, Batzorde Militarrak myanmartarrek zikloiaren biktimei eman nahi dieten laguntza ukatu du herrialdeko eskualde kaltetuenean.

Halaber, Myanmarreko Gobernuak ez die uzten medikuei, erizainei eta myanmartarrei goseak eta gaixotasunek kaltetutako bi milioi pertsonei laguntzen. Hori guztiagatik Nazio Batuek eta mendebaldeko herrialdeek herrialdeko agintarien aurkako kritikak bota dituzte.

Nasingoo herrialdeko hegoaldean dagoen herri txiki bat da, Irrawady ibaiko deltako ekialdeko kostaldean eta bide nagusitik urrun. Herrixka horretan poltsak daramatzaten Myanmarreko mediku bi txabolaz txabola dabiltza, arreta ez deitzen saiatuta.

"Hau egiten aurkitzen bagaituzte, arazo larri bat izango dugu", ohartarazi du Aye Yangoneko Shwe Pyi Tha ospitaleko 39 urteko medikuak. Ayerekin batera Zaw doa. Biek osasun zentro berean egiten dute lan, baina Zaw Aye baino urte bi zaharragoa da.