Gaueko istiluen ostean Armadak kontrola hartu du

argazkia handitu

Libanoko soldaduak Tripoliko kaleetan. Argazkia: EFE

Erlazionatutako albisteak

• Armadak Gobernuaren erabakia zuzendu ostean erretiratu da Hizbula
• Beirutetik milizianoak aterako dituela jakinarazi du Hizbulak
• Gerra zibilaz geroztik izan den krisirik larriena bizi du Libanok

Tripoliko Bab al Tebane eta Yabal Moceen auzoetan hasi dira Libanoko Armadako soldaduak zabaltzen, izan ere, gauetik Gobernuaren jarraitzaileek eta opositoreek liskarretan izan dira.

Gehiengo parlamentarioa duen Saad Hariri suniaren eta Alderdi Demokrata Arabiarraren jarraitzaileen artean izan diren borrokak amaitu eta gero hasi dira Armadako soldaduak zabaltzen, Libanoko Albiste Agentzia Nazionalaren (ANN) arabera.

Gauean hasi eta gaur goizera arte iraun duten enfrentamendu gogorretan hildako bat eta hiru zauritu izan dira.

Beirutetik erretiratu ostean

Hizbula talde xiitako milizianoak Beirut hiriburuko kaleetatik atzo erretiratu ostean gertatu dira enfrentamendu berri horiek. Libanoko Armadak Gobernuaren erabakia zuzendu eta Hizbularen eskakizunak bete zituenean erretiratu ziren milizianoak.

Ostegunean liskarrak hasi zirenetik 36 hildako eta 128 zauritu izan dira Libanon. 1990ean gerra zibila amaitu zenetik enfrentamendu larrienak izan dira horiek.