2008/05/08
Marea talde nafarrak asteburu honetan amaituko du "Piojoso Tour" bira luzea. "Bizitza osoan amestu duten" bira izan omen da. 73 kontzertu eman dituzte Euskal Herrian, Espainian, Argentinan, Txilen eta Uruguayn.
Kutxi Romerok, taldeko abeslariak, iragarri duenez, bira honetako irudiak bilduko dituen zuzeneko DVD bat aterako dute urte bukaerarako.
Birako azken kontzertua Iruñeko Anaitasuna pabilioian izango da larunbatean eta gau berezia izango dela iragarri dute. Gonbidatu ugari izango omen dira bertan, tartean, Barricadako Drogas.
Bira amaitzean, berriz ere lasaitasunera itzuli, elkartu eta kantu berriak egiteko gogoz omen daude Mareakoak. Hauxe adierazi du Kutxik: "Kantuak ateratzen bazaizkigu disko berria izango dugu eta disko berria badugu, bira berria egingo dugu".
Euskadi Irratiko azken albistegia
webgunearen portadan, erabiltzaileek emandako botoei esker:
Aupatu
Zabaldu
