PPk eta PSEk Klima Aldaketaren aurkako Euskal Plana babestu dute

Eusko Jaurlaritzak egindako 2008-2012 Klima Aldaketaren aurkako Euskal Planak PPren eta PSEren babesa jaso du. EHAK, ordea, aurka agertu da eta Eusko Jaurlaritzari itzuli behar zaiola esan du.

Esther Larrañaga Ingurumen sailburuak plan horren nondik norakoak aurkeztu ditu gaur Legebiltzarrean. 119 neurri daude planaren barnean, eta 119 milioi euroko aurrekontua du

Gogorarazi duenez, Euskadiko CO2 emisioek %22 egin dute gora, eta 2012rako ezarritako helburua gorakada hori %14era jaistea da.

Talde guztiek, EHAK izan ezik, plana babestu dute, baina euren proposamenak aurkeztu dituzte, proiektua hobetzeko.

Oposiziotik, Julian Martinez EHAKko parlamentariak plana Eusko Jaurlaritzari itzuli diezaiotela eskatu du, "berotegi-efektua duten gas isurtzeekin bukatzea ez duelako helburu gisa eta Exekutiboaren politika klima aldaketaren aurka zuzena ez dela suposatzen duelako", esan duenez.

Natalia Rojo sozialistak azpimarratu duenez, plana "positiboa eta asmo handikoa" da, eta Leopoldo Barreda PPko parlamentariaren arabera, "autonomia erkidegoetan inoiz aurkeztutako programa landuena".