Euskotrenek Donostia eta Bilbo arteko zerbitzua berrezarri du

argazkia handitu

Katenaria konpontzeko lanak. Argazkia: EiTB

Erlazionatutako albisteak

• Tren zerbitzua etenda dago Usansolo eta Lemoa artean

Euskotrenek Bilbo eta Donostia arteko tren zerbitzua berrezarri du 14:00etan, sistema elektrikoan, katenarian hain zuzen ere, izandako arazoak konpondu ostean. Horiek Usansolon eta Atxuriko geltokitik hurbil izan diren sabotajeen ondorioz gertatu dira.

Modu berean, Eibarren tren bat katigatuta gelditu da, eta arazo hau ere konpondu dute. Bi lanak Euskal Trenbide Sarea (ETS) enpresaren teknikariek burutu dituzte.

Normalean zerbitzu hau erabiltzen duten pertsonen beharrak asetzeko, Euskotrenek Bilbo eta Donostia arteko tarte ia guztian autobus zerbitzu berezia eskaini du.