Europako Banku Zentralak interes tasak %4an mantendu ditu

Europako Banku Zentralaren (EBZ) Gobernu Kontseiluak zuhur izatea erabaki du eta interes tipoak %4an mantenduko ditu, AEBtako Erreserba Federalak azken hilabeteetan burututako murrizketa garrantzitsuak diren arren, eta euro guneko inflazio maila altuak kontutan izanda.

AEBtako 'subprime' delakoek sortutako kreditu merkatuaren krisialdiak erakundeak diruaren salneurria mantentzea egin du, finantza merkatuen eboluzioaren zain, eta inflazioaren gorakada eta euroguneko hazkunde tasaren aurreikuspenek okerrera egin duten arren.

Apirileko KPIa %3,3an kokatu zen, martxoa baino hiru hamarren gutxiago, baina maila hau oso altu dago EBZrentzat, eta bere helburu ofiziala den %2a baino 1,3 puntu gorago dago. Erakundearen azken adierazpenek Trichetek hainbatetan helarazitako mezua berresten dute: EBZren helburua inflazioaren kontrola da. Hortaz, Europa mailako politika ekonomikoa helburu honetara dago bideratua, eta tipoen murrizketak baztertu dituzte.