Badiola: "Jokalariek 1.650.000 euro kobratuko dute igoera lortuz gero"

argazkia handitu

Badiolak Realaren egoerari buruzko errepasoa egin zuen. Argazkia: EFE

Erlazionatutako albisteak

• Aranburuk ezin izango du Cadizen aurka jokatu

"Diru-sarrerak sortzen ari gara" adierazi zuen, "ahal ditugun guztiak eta gehiago, partidetako sarrerekin, sponsor berriekin, eta Txinan kaleratuko ditugun produktuekin eta hemen sortuko dugun Realaren 'marka txuriarekin' ere". Dena den, "diru-sarrera handienak datorren denboraldian" izango dituztela ziurtatu zuen.

Era berean, Iñaki Badiolak azkionistek ekainaren 17an egingo den Akziodunen Batzar Orokorra baino lehenago "dossier bat jasoko" dutela esan zuen. Dossier horretan 2007ko abenduaren 31an zegoen egoera finantzieroaren berri emango da eta bestalde, “gu egon garen danborari buruzkoa, informazio osoa eduki dezaten".

Bestalde, Zubiaurre auziari buruz ere mintzatu zen. Datozen egunetan espero du epaia. Azkenik, harrigarria bada ere, jokalariek igoera lortuz gero jasoko duten diru saria ere aipatu zuen. “1.650.000 euro kobratuko dute” esan zuen.

Martik ez zuen entrenatu, baina ez du ezer larririk

Jose Luis Martik, eskubiko izterreko iskiotibialetan gainkarga duela eta, ez zuen goizean entrenatu. Dena den, badaezpadako neurria izan zen eta ostegunean entrenatzeko moduan izatea espero da. Carlos Martinezek, berriz, eskubiko hankako lehen behatzean tendinitisa du. Xabi Prieto, azkenik, korrika egiteari ekin zion.

Delibasic: "Irabaztea besterik ez dugu"

Partida bakarreko zigorra bete ondoren, berriz ere jokatzea du helburu Delibasicek. "Irabaztea beste aukerarik ez dugu, berdinketa ez da nahikoa. Ez da erreza izango, Cadizekoa zelai beroa da eta zaila da han jokatzea, baina Malagan berdina gertatu zen eta irabaztea lortu genuen. Ea errepikatzen den".