Rato eta Botin deklaratzera deitu dituzte, ustezko iruzurragatik

Madrilgo 47 zenbakiko Instrukziozko Epaitegiak Emilio Botin Banco Santanderreko presidentea eta Rodrigo Rato Ekonomia ministro ohia, Nazioarteko Moneta Funtsako zuzendari izandakoa, deklaratzera deitu ditu, 1999an Banestok egindako Aguas de Fuensantaren kapitalaren %45,3ren erosketan inputatu gisa.

Probidentzia bietan, Jose Sierra epaileak 15 lagun gehiago deitu ditu deklaratzera inputatu gisa, besteak beste, Alfredo Saenz Santanderreko kontseilari delegatua eta Alfredo Saenz Banestoko presidente ohia, Banestoko aholkulariak Aguas de Fuensantaren erosketa egin zutenean eta Ramon Rato Ekonomia ministro ohiaren anaia. Aguas de Fuensanta enpresa Rato familiarekin loturak ditu.

Emilio Botin, Alfredo Saenz eta Jaime Botin maiatzak 8rako deitu dituzte, eta Rodrigo Rato maiatzak 27rako. Kereilan inputatu ostean deitu dute azken hori, Nazioarteko Moneta Funtseko zuzendaritzako dimisioa aurkezteagatik inmunitatea kendu zioten ostean.

Inputatu guztiei ez dagokiena hartzea, administrazio desleiala, merkataritza dokumentuak faltsutzea, kideei informazio eskubidea ukatzea eta Aguas de Fuensantaren %45,3ren salerosketagatik funtzionario-eroskeria egotzi dieten. Banestok sei milioi euro inguru ordaindu zizkion Rato familiari operazio horretan.