Ama errugabea dela esan du Josef Fritzlen alabak

Austriako Amstettengo kasuan gauza asko dago argitzeko oraindik, baina pixkanaka-pixkanaka datu gehiago azaltzen ari dira. Azkena, aitak 24 urtez Elisabeth Fritzl bahituta izan den emakumeak, ama errugabea dela, ezer ere ez zekiela, deklaratu du Poliziaren aurrean, Der Spiegel astekariaren arabera.

24 urtetan egon da giltzapetuta Elisabeth Fritzl eta aitak eramaten zizkion janaria eta arropak. Der Spiegel astekariaren esanetan, Rosamarie bere amak ez zekien gertatzen ari zena, deklaratu du Fritzlen alabak.

Umeak bortxaketen lekuko

Itxialdiko lehenengo bederatzi urteak Elisabethek sotoan pasatu zituen, geroago Josef Friltzek espazioa handitu zuen. Urte horietan gatibu jaiotako umeak bortxaketen lekuko izan ziren.

Bien bitartean, Fritzlek goiko etxebizitzan arau zorrotzak ipini zituen. Arauak bete ezean, kalera botako zituela esanez mehatxu egin zien Fritzlek, Josef Leiner errentari ohiak adierazi duenez.

Poliziak ikertzen jarraitzen duen bitartean, Elisabethen alaba nagusia ospitalean dago larri.