TAU, ahalguztidunaren aurka

argazkia handitu

Prigionik gertu izan zuen Kopa atariko prentsaurrekoan. Argazkia: EFE

Erlazionatutako albisteak

• TAUk "ehuneko berrehunean" jokatu nahi duela dio Spahijak
• Jasaitis, CSKAren kontrako partidarako zalantza
• Laugarren urtez jarraian jokatuko du TAUk Lauko Finala

TAU Ceramica Lauko Finalaren final handirako txartelaren bila arituko da CSKA faboritoaren aurka. Errusiar ahalguztidunak ez dira aurkari xamurrak izango. Gasteiztarren xedea izango da 2005eko finalerdietakoa errepikatzea, CSKA gainditzea, alegia.

Gainera, Neven Spahijak bere aginduetara ditu jokalari guztiak, Simas Jasaitis erabat osatu baita.

Bestalde, talde baskoniarra ez da txapelketa honetan helduberria. Jarraian lortutako laugarren Lauko Finala dute gasteiztarrek honako hau. Egia da, hala ere, aurkariak seigarrena jarraian izango duela Madrilgo hau.

Aurtengo Euroligan, arabarrak eta errusiarrak birritan aritu dira elkarren aurka, eta bietan CSKAko mutilek irabazi dute. Buesa Arenan jokatutako lehen partidan Ettore Messinarenek 76-85 irabazi zuten eta Erruskiako norgehiagokan, 70-62.

Moskuko CSKA, Europako klasikoa

Bestaldean, CSKA, bost aldiz titulua irabazitakoa. Azkena, 2006an, Tel Aviveko Maccabi irabazita. Hurrengoan, finalean galdu zuen Panathinaikosen kontra.

Siskaukas, Andersen eta Langdom dira talde errusiarraren gizonik arriskutsuenak. Ettore Messinak oraindik ez daki jokalari guztiak erabiltzeko moduan izango den, Zisisen eta Van Den Spiegelen partehartzea zalantzan baita.

Fitxa teknikoa:

TAU Ceramica: Rakocevic, Planinic, Teletovic, McDonald eta Mickeal --ustezko hasierako bostekoa--; Prigioni, Garcia, Vidal, Fernandez, Jasaitis, Splitter eta Singleton.

Moskuko CSKA: Smodis, Siskauskas, Holden, Langdon eta Andersen --ustezko hasierako bostekoa--; Pashutin, Zisis, Papaloukas, Kashirov, Goree, Khryapa eta Van Den Spiegel.

Pabilioia: Madrilgo Kirol Jauregia

Ordua: 21.00.