2008/04/29
Eduardo Zaplana Telefonicako ordezkari lanetan arituko da Europan, Cesar Alierta operadoreko presidentearen agindupean, konpainia honetako iturriek jakinarazi dutenez.
Beraz, Zaplanak Diputatuen Kongresuko eserlekua utziko du eta politikatik aldendu egingo da, behin behinean, behintzat.
Haren gertuko iturrien arabera, iragan legegintzaldian Alderdi Popularraren Kongresuko bozeramailea izan zenak enpresa pribatuan aritzeko "hainbat eskaintza" zituen eta azkenean, Telefonicarena onartu du.
Iragan martxoaren 9ko hauteskunde orokorretan PPk hauteskundeak galdu ondoren, Zapalanak iragarri zuen kargu hori uzteko asmoa zuela talde parlamentarioko "diputatu xehe" bihurtzeko.
Gaur jakin da albistea eta gaur bertan Kongresuko Batzordeetan bere alderdiko bozeramaileak izendatzeko PPko talde parlamentarioaren bileran izan da Mariano Rajoy; Zaplana ez da joan.
Euskadi Irratiko azken albistegia
webgunearen portadan, erabiltzaileek emandako botoei esker:
Aupatu
Zabaldu
