Gasteiztarrek arnasa hartu dute

argazkia handitu

Tarantino zentral postuan aritu zen.

Erlazionatutako albisteak

• Rodriguez: "Igandeko partida funtsezkoa da jaitsiera ekiditeko"
• Salmeronek bi aurrelarirekin jokatu dezake igandean Elxen aurka

Partida erritmo biziz hasi zen, eta bai Alaves eta baita Elx ere golaren bila aritu ziren, gogotsu eta abiaduraz. Partidak 6. minutua bete zuenean gasteiztarrek aurreneko gola sartu zuten. Adrian Lopez izan zen golegilea, sarera bidaliz Sergio Rodriguezen pasea (1-0).

30. minutuan David Corominak min hartu zuen bikietan, eta etxekoen entrenatzaileak, Salmeronek, Edu Alonso sartu zuen zelaira eskuin hegaletik jokatzeko. Ondorioz, Tarantinok zentral postua hartu zuen eta Iñigo Calderonek, ezker hegala.

Partidak Alavesentzat itxura txarra hartu zuen momentu berean –Tarantino zelaitik at zen min hartuta- heldu zen Alavesen bigarrena (2-0). Adrian Lopez izan zen golegilea berriz ere, Toni Moralen pase bikaina baliatuz.

Bigarren zatian, Alaves, partidaren kontrola lortzen saiatu zen markagailuari eusteko baliabiderik eraginkorrena zelakoan, eta baita lortu ere. Halere, azken hamabost minutuetan Elxek neurketaren kontrola berreskuratu zuen.

Gauzak okertu ziren epaileak Gaspar Galvez egotzi zuenean (82') baina gasteiztarrek lortu zuten ezinbestekoak ziren hiru puntuak eskuratzea.

Fitxa teknikoa:

2 - Alaves: Bernardo; Iñigo Calderon, Gaspar Galvez, Coromina (Edu Alonso, 30'), Tarantino; Gabri (Stevanovic, 64'),
Sergio Rodríguez, Mehdi Lacen, Toni Moral; Adrian Lopez (Igor Martinez, 71') eta Aganzo.

0 - Elx: Willy Caballero; Fajardo, Trotta, Amaya, Bellvis; Raul Martin (Ruben, 61'), Rodri (Alvaro, 69'), Cobo, Jose Vega; Fabian Coelho (Joaquin Calderón, 61'); eta Chino Luna.

Golak: 1-0, 6': Adrian Lopez. 2-0, 33': Adrian Lopez.