Raul Garcia, Del Olmo eta Altuna, Alacanterako zalantzak

Eibarrek Herculesen aurka jokatuko du larunbatean Alacanten eta Raul Garcia, Joseba del Olmo eta Jon Altuna partida horretarako zalantza dira.

Aurreneko biek ez zuten asteazkeneko entrenamenduan parte hartu eta Altunak lan-saioa bertan behera utzi behar izan zuen belaunean duen minaren ondorioz.

Luis Codinak eta David Acazek eman zuten eguneko albiste pozgarria. Biak gastroenteritisak jota izan dira, baina dagoeneko osatu dira.