Gabarraren 25. urteurrena, gaur, ETB-2n

argazkia handitu

Saio berezia eskainiko du ETB-2k Athleticek 82-83 denboraldian lortu zuen Liga titulua oroitzeko. Argazkia: EiTB

Multimedia

• 82-83an Liga irabazi zuten Athleticen jokalariak bildu ditu EiTBk

Erlazionatutako galeriak

• Athleticen "lehen gabarraren" protagonistak

Maiatzaren 1ean, Athleticek liga eskuratu zueneko 25. urtemuga ospatuko da eta , ETB-2k "Por el rio Nervion" saio berezia eskainiko du apirilaren 30ean. Ligako zazpigarren titulua eskuratu zuen Athleticek 82-83 denboraldian Las Palmas 1-5 irabazita.

Garaipen hura, gabarran txangoa eginez ospatu zuten Athleticeko jokalariek estreinakoz. Saio horren grabaziorako EiTB orduko txapeldun guztiak biltzen saiatu da eta eurekin batera orduan izandako sentsazioak berreskuratzen saiatuko da. Jokalari zuri-gorri ohiek garaipena ospatzeko Areetatik Bilbora gabarran egin zuten txangoa oroituko dute.

Egun horretako ospakizunen irudi guztiak bilduko ditu ETB-2ko saioak apirilaren 30ean, 23:00etatik aurrera. Bertan titulua eskuratu zuten protagonista gehienak izango dira: Andoni Zubizarreta, Andoni Goikoetxea, Iñigo Lizeranzu, Dani, Sarabia, Salinas anaiak eta ametsa posible egin zuten beste asko. Saio bereziaren ostean, La caja negra-n ere Athleticek garaipenak lortzen zituen garaiaz arituko dira.

Eman zure iritzia gai honi buruz. Idatz ezazu zure artikulua edo beste zaleen artikulua komentatu. Bidal itzazu zure argazkiak eta bideoak. Hau guztia Athleticen- blogean.