Aranburu: "Irabazten badugu ilusioa berpiztu egingo da"

argazkia handitu

Aranburuk zaleen konfidantza berreskuratu nahi du malagaren aurka garaipena lortuz. Argazkia: EFE

Erlazionatutako albisteak

• Prietok denboraldia amaitu aurretik berragertu nahi du
• Sendotasunik ez Anoetan

Mikel Aranburuk ere badaki aurreko igandean Realak ez zuela partida ona jokatu Nasticen aurka. "Hobetu beharra" dutela onatu zuen.

"Aurreko partidan aukerak sortzea asko kosta zitzaigun. Gutako bakoitzak hobetu behar du bere jokoan" adierazi zuen.

Dena den, bere ustez taldea gai da "edozein tokitan" irabazteko, eta Malagaren aurkako partida oso aukera ona dela uste du. "Irabazten badugu, ilusioa itzuliko da" esan zuen.

"Partida aproposa da konfidanta puntu hori berreskuratzeko" azpimarratu zuen.

Nacho etxera bueltatuko da

Nachorentzat hunkigarria izango da larunbatean Malagan (20:00 ETB) jokatzea. "Hunkigarria izango da, han jaio naizelako eta familia eta lagunak han ditudalako. Aurkariaren kamisetarekin izango naiz, baina ongi etorria izatea espero dut. Ea gauzak ondo ateratzen diren, partida ona jokatzen dugun eta hiru puntuak eskuratzen ditugun".