Osasunak galdu du eta jaitsiera hiru puntura dauka

argazkia handitu

Osasunak galdu egin du (0-1) eta jaitsiera postuak hiru puntura ditu. Argazkia: EFE

Erlazionatutako galeriak

• Osasuna - Deportivo

Osasuna partidaren bila atera zen lehen minututik, izan ere, Zaragozak lortutako garaipenak gauzak estu jarri zituen sailkapenaren behekaldean.

Lehen zatian, Zigandaren mutilek agintzen zuten, baloiaren jabe egin zirelarik. 16. minutuan, Astudillok jaurtiketa on bat atera zuen, baina Sergiok atepetik atera zuen zartakoa. Deportivok falten bidez izan zuen aukera bakarren bat. Adibidez, Filipek buruz egindako errematea Ricardok desbideratu zuen hasierako minutuetan. Lotinaren taldeak gogor jokatu zuen, baina jokalariek ez zuten txartelik ikusi bigarren zatira arte. Atsedenaldira gol gabeko berdinketarekin joan zen partida.

Atsedenaldiaren ondoren, jokoa gogorragoa izan zen, baina Osasuna Depor baino gehiago zen. Hori bai, ez zuen gola lortzen eta halako baten, 62. minutuan, galiziarrek kontraeraso bat antolatu eta penaltia behartu zuten. Sergiok jaurti zuen penalti hori eta 0-1ekoa ezarri zuen markagailuan. Momentu horretatik aurrera, Zigandak, aldaketak egin zituen, baina alferrik, Osasuna ez baitzen gola sartzeko gai izan.

Azkenean, Osasunak galdu (0-1) eta jaitsieratik hiru puntura daude.

Fitxa teknikoa:

Osasuna: Ricardo; Azpilikueta, Krutxaga, M. Flaño, Corrales; Puñal, Astudillo (Pandiani, 75'), Juanfran (Hector Font, 59'), Plasil, Vela; eta Sola (Dady, 59').

Deportivo: Aouate; Coloccini, Pablo Amo, Lopo, Barragan (Cristian, 60'), Pilipe; Sergio, De Guzman, Wilhensson (Rodriguez, 78'), Taborda; eta Xisco (Riki, 65').

Gola: 63'; Sergio (penaltiz), 0-1.

Horrela bizi izan dugu partida eitb24.com-en