Etxeberria: "Gure profesionaltasuna ezin da ezbaian jarri"

argazkia handitu

Joseba Etxeberriak 413. partida joka dezake Athleticekin Liga txapelketan. Argazkia: EFE

Erlazionatutako albisteak

• Susaetak ez daki nagusiekin edo Athletic Brekin jokatu beharko duen
• Gurpegik gol bat egin eta bueltatzeko prest dagoela erakutsi du
• Koikili: "Zelaian beste zeozer jartzeko balio dezake Riazorreko porrotak"
• Garmendia: "Igandeko jokalariak azken sei partidetako berberak ginen"

Athleticek lehenbailehen eskuratu gura du salbazioa bermatuko dion puntu kopurua. Ez dago helburutik urrun, baina lasai egoteko beharrezkoa da puntu bat edo beste irabaztea. Bide batez, Riazorren egindako partida txarra alde batera uzteko gogoa agertu dute futbolariek. Jokalariak ez datoz bat entzun dituzten kritika askorekin. "Sasoi bukaeran ez gara lasaituko. Gure jokoa kritikatu daiteke, baina gure profesionaltasuna ezbaian jartzea errespetu falta da", adierazi du Etxeberrriak.

Elgoibartarra hasieratik aritu daiteke Valentziaren aurka. Riazorren ez zuen jokatzeko aukerarik izan eta duela jardunaldi bi ere bigarren zatian zelairatu zen. Jokatuz gero Txetxu Rojoren marka berdinduko du. Elastiko zuri-gorriarekin Ligan jokatzen duen 413. neurketa izango da, alegia. Markak marka irabaztea da elgoibartarraren xede nagusia. "Valentziak partida osoa jokatu zuen Kopako finalean. Gure asmoa Koemanen taldeak Ligan dituen arazoei jarraipena ematea da".

eitb24-ko Athleticen blogean zure iritzia eman.