Ziganda: "Espanyolen aurkakoa ez da finala"

argazkia handitu

Zigandak, oraindik, ez du finalez hitz egin nahi. Argazkia: EFE

Erlazionatutako albisteak

• Pandiani: "Espanyolek baino gehiago daukagu guk jokoan"
• Juanfran: "Lehen itzuliko Espanyol ez dela argi dago"
• Javad Nekounamek senda-agiria jaso du

Azken jardunaldian etxean Recreativoren aurka galdu eta gero, punturen bat batzera behartuta da Osasuna Montjuicen. Espanyolen aurka zerbait lortzeko gai ez badira, Zaragozak Getafen irabaztea nahikoa izango da gorritxoak amildegitik oso gertu geratzeko, eta nafarrek ezin dute ezer oparitu.

Dena dela, Zigandak ez du uste Montjuicekoa finala denik: "Iragan asteburuko porrota ahazteko aukera daukagu, baina adi egon behar dugu, maiatzaren 18an amaitzen baita hau. Biharkoa ez da ez partida erabakigarria eta ezta final bat ere. Aurrerantzean geratzen zazikigun partida guztiak izango dira erabakigarriak, ez biharkoa soilik", adierazi du gorritxoen entrenatzaileak.

Larraintzarko entrenatzaileak ez du Espanyolen bigarren itzuli kaskarra ulertzeko azalpenik, baina Valverderen taldea oraindik bizirik dagoela gogoratu du: "Bigarren itzulian oso bolada irregularra izan dute, hiru partida irabazi eta bederatzi galduz. Ez da normala, lehen itzulian erakutsi baizuten zertarako gai diren. Ez dakit zer gertatu zaien, arraroa da, eta are eta gehiago lehen itzuliko erakustaldien ostean. Dena dela, Espanyol bizirik ikusten dut nik oraindik, Europako postuetatik hiru puntura besterik ez baitaude", esan du Osasunako entrenatzaileak.

Ustezko hamaikakoa:

Ricardo; Azpilikueta, Krutxaga, Miguel Flaño, Monreal; Puñal, Astudillo, Juanfran, Plasil, Vela eta Kike Sola.