Lillok guztiaren gaindik garaipenak nahi ditu

argazkia handitu

Juanma Lillo Realeko entrenatzailea. Argazkia: EiTB

Erlazionatutako albisteak

• Aranburuk diru sarietan akordioa lortu dutela baieztatu du
• Delibasicek golaren ospakizunarekin istilurik ez duela nahi adierazi du

Juanma Lillok garbi du. Orain ez da jokalariei informazio asko emateko ordua. "Partidak irabazteko ordua da, ez jokalariei informazio gehiegi ematekoa. Jakina da informazio hori partidak irabazteko luzera oso lagungarria izango litzatekela, baina une honetan guztiaren gaindik garaipenak behar ditugu. Gainera, orain arte egindako lana oso ona da".

Asteburu honetako jardunaldia oso garrantzitsua da jokatzen diren partidengatik. Celta-Reala; Malaga-Sporting eta Tenerife-Elx. Honi buruz zera esan du. "Vigon irabazten badugu Sportingek Malagan irabaztea ez legoke gaizki, horrela beste talde bat sartuko genukeelako borrokan, eta gainera guk Malagaren aurka jokatu behar dugu". Lillo seguru dago atzetik datozen taldeetatik (Castello, Elx, Tenerife) batenbat azkenean igotzeko borrokan sartuko denaz.

Nacho eta Victorren ordez Garitano eta Diaz de Cerio aritu litezke

Bihar goizean azken lan saio bat egingo badute ere, entrenaldi ondoren berehala abiatuko dira Vigora larunbatean (18:30, ETB) Celtaren aurka jokatzeko. Hala, Juanma Lillok deialdia gaur bertan ematea erabaki du, eta bertan, Herculesen aurkako partidarekin alderatuz, aldaketa bakarra egin du: Estradaren ordez, Elustondo sartu du. Ondorengo jokalariek osatzen dute deialdia: Riesgo, Bravo; Castillo, Mikel Gonzalez, Labaka, Victor Lopez, Carlos Martinez; Garitano, Aranburu, Marti, Nacho, Elustondo, Xabi Prieto, Fran Merida; Gari, Delibasic, Diaz de Cerio, Victor Casadesus.

Hasierako hamaikakoan, berriz, bi izan litezke berritasunak: Garitano eta Diaz de Cerio hasieratik aritzea litekeena da, Nacho eta Victorren ordez.
Ondorengo jokalariek osatu dezakete hamaikakoa: Riesgo; Carlos Martinez, Labaka, Mikel Gonzalez, Castillo; Garitano; Xabi Prieto, Marti, Aranburu, Merida; Iñigo edo Victor.

Garitanorentzat orain garaipen bakoitza "urrea" da

Denboraldiko unerik erabakigarrienean sartu direla eta, garaipenek duten garrantziari buruz mintzatu da Gaizka Garitano: "Gero eta tarte gutxiago dugu, hamar partida falta dira eta orain garaipen bakoitza urrea da. Irabaziz gero aurrerapauso nabarmena emango dugun bezala, galtzen badugu atzera pausu handia egingo dugu. Hamar final falta zaizkigu eta Vigon hiru puntuak lortu behar ditugu, kosta ala kosta".