Herrero: "Zama handia kendu dut gainetik"

argazkia handitu

Herrerok garaipena lortu du aurreko bi etapetan hirugarren postua lortu ondoren. Argazkia: EFE

Multimedia

• David Herrerok irabazi du Euskal Herriko Itzuliko hirugarren etapa

Erlazionatutako albisteak

• Kirchenek esprintean irabazi du; Herrero, berriro ere hirugarren
• Contadorrek Deskargan egin du erasora eta lidergoa eskuratu du

Erlazionatutako galeriak

• Euskal Herriko txirrindularitza Itzulia 2008

David Herrero izan zen garaile Euskal Herriko Itzuliko hirugarren etapan. Karpin Galiciako txirrindulariak aurreko bi etapetan hirugarren bukatu zuen eta azkenean merezitako garaipena lortu zuen. "Zama handia kendu dut gainetik" adierazi zuen garaipena lortu eta gero.

"Urduri nengoen, normalean etapa garaipena lortzeko sena baitaukat, baina lasterketa honetan maila oso altua da. Gaur gustora egingo dut lo" esan zuen Herrerok.

Azken metroak buka ezinak egin zitzaizkion bilbotarrari eta honela deskribatu zituen: "Ez nintzela inoiz iritsiko uste nuen. Cadeseko jaitsiera erritmo bizikoa izan da, 'Moto GP'-ko lasterketa zirudien. Helmugan Bettiniren zain nengoen, baina Luis Leon Sanchez ikusi dudanean bere bila atera naiz, ez dut birritan pentsatu".

Sailkapen Nagusian hirugarren dago David Herrero, baina berak ez du Itzulia irabazteaz hitz egin nahi: "Itzulia irabazi dezakedala esatea gehiegi esatea da, baina nire bigarren helburua lortu dut eta orain datorren guztia ondo hartuko dut". Herrerok garaipena bere andregaiari, gurasoei eta babesleei eskaini die.