Vela: "Arsenalen jokatu ezin badut gustura geratuko nintzateke Osasunan"

argazkia handitu

Carlos Vela gustura geratuko litzateke Osasunan. Argazkia: EFE

Multimedia

• Guztion artean denboraldia aurrera aterako dutela uste du Jose Angel Zigandak

Erlazionatutako albisteak

• Porrotaren ondorengo "sentsasioak txarrak" direla esan du Izcok
• Gorritxoen atzerapausoa

Osasunako presidente Patxi Izko eta Juanjo Lorenzo kirol zuzendaria Londresen izan dira asteburuan Arsenaleko arduradunekin biltzeko. Bi kluben arteko harremanak oso onak dira, eta besteak beste Carlos Vela mexikarraren etorkizunaz hitzegin ahal izan dute bi aldeek.

Aurrelari gaztea Espainiako pasaportea jaso zain dago Premier Leaguen jokatzeko, eta hori gauzatuz gero bere etorkizuna Nafarroako Erresumatik at egongo da.

Aldiz, agiriak garaiz jasotzen ez baditu, eta Ingalaterrako Federazioak baimen berezia ematen ez badio, Carlos Velak Espainiako Ligan jarraitu ahal du datorren denboraldian ere: "Ez dut hitzegin inorekin, ez Osasunako jendearekin, ez Arsenalekoarekin eta ezta nire ordezkariarekin ere. Ez dakit ezertxo ere, eta nire iritzia jakin nahiko dutela usted ut. Dena dela, Arsenalera Joan ezin banaiz ez nuke begi txarrez ikusiko Osasunan jarraitzea. Orain salbazioa da garrantzitsuena, baina aukera ona izango litzateke Osasunan jarraitzea, hiria ezagutzen dut, kluba ere bai, eta oso pozik nago Iruñean. Gainera, Osasunakoek Arsenalekoekin hitzegin badute nirekin gustura daudelako izango da. Agirien kontua apirilean argitzea espero dut, eta zerbait dakidanean esango dut", adierazi du gaur jokalari gorritxoak.

Osasunak sailkapenean duen egoera kezkagarriaren inguruan galdetuta, Vela oso baikor mintzatu da: "Salbatuko garela uste dut, konfiantza itzela daukat horren inguruan, eta gainera asko sufritu gabe lortuko dugula usted ut. Ez da erraza izango, baina talde honek kalitate ikaragarria dauka, eta ez dut uste azken jardunaldia arte besteen emaitzen begira egon beharrik izango dugunik", ziurtatu du.