EAJ bere zentsura-mozioaren edukia azaltzen ari da gainerako alderdiei

argazkia handitu

Belen Greaves EBBko idazkaria. Argazkia: EFE

Erlazionatutako albisteak

• EAJk ETA gaitzesteko eskatuko dio ANVri, mozioen bidez

ANV giza-eskubideen alde eta indarkeria erabiltzearen kontra ager dadin udaletxeetan aurkeztuko duen zentsura-mozioaren edukiaren berri ematen ari da EAJ gainerako alderdiei.

Belen Greaves EBBko idazkaria dagoeneko alderdiekin harremanetan jarri da. Testuak bi zati ditu. Lehendabizikoan, EAJk erakunde publikoetan egoteko betebehar diren oinarrizko printzipioak aipatzen ditu. Radio Euskadik jakin ahal izan duenez, mozioan "giza duintasuna" errespetatzea eta "giza-eskubideak babestea" eskatzen da.

Horrez gain, "aniztasun politikoa" bermatzearen alde egiten du eta "soilik bide politikoen aldeko apustua" egitea exijitzen du. Ildo horretan, ETA eta erakunde armatuaren azken agiria gaitzestea galdegiten du EAJk aipatu testuan.

Mozioan aipatzen diren puntuekin bat egiten ez duten hautetsiei kargua uztea eskatzen zaie.

Zentsura-mozioak udaletxeetan aurkeztu aurretik, EAJk gainerako alderdien erantzuna zein den jakin arte itxarongo du.