Mandiola: "Ezin gara lasaitu"

argazkia handitu

Mandiola pozik agertu zen derbian garaipena lortu eta gero. Argazkia: EiTB

Erlazionatutako albisteak

• Garaipen erosoa lortu dute armaginek Bigarren Mailako euskal derbian

Manix Mandiola, pozik agertu zen Alavesen aurka garaipena lortu eta gero, baina ez du nahi bere jokalariak gehiegi erlaxatzea.

"Pozik nago irabaztea lortu dugulako, baina gogor jarraitu behar dugu lanean. Helburua lortu dugula uste badugu bide txarretik goaz" esan zuen Mandiolak.

Alavesi irabazi eta gero, Eibarrek 43 puntu ditu. Zenbaki hauetara lanaren bitartez iritsi direla adierazi zuen Eibarko entrenatzaileak. "43 puntu badauzkagu lan gogorra egin dugulako da eta horrela jarraitu behar dugu lanean".

Mandiolaren beldur nagusia bere taldea erlaxatzea da eta horren inguruan honakoa gaineratu zuen: "Irabazten jarraitu behar dugu, 43 puntu bakarrik ditugulako eta gu baino izen gehiago duten taldeei begiratuz gero, ikusten da asko kostata ateratzen dituztela puntuak, beraz, oraindik ez dugu ezer lortu".