2008/04/06
Bilboko 150.000 bat bizilaguni ur-horniketa gutxitu egingo diete, Rekaldeko auzoan horniketa hodi nagusia konpontzeko egingo diren lanen ondorioz. Mozketak aurreikusita, ur botilak eta bidoiak erosi dituzte bizilagunek.
Bizilagunek uraren presio jaitsierari egin beharko diote aurre gaur goizeko 10:00etatik hasita, asteleheneko goizaldeko 04:00ak arte.
Deustu, Castaños, Zazpi Kaleak, Abando, Indautxu, Ametzola, Errekaldeberri, Larraskitu, Iralabarri, Zabala, Basurtu eta Oleabeagan izango du eragina presio jaitsiera horrek.
Loturak amaitzea
Sarean beharrezko diren loturak egiteko jaitsiko du presioa Bilboko Udalak, izan ere, Gordoniz eta Altube kaleetako hodi berriak sarean barneratu behar dira, Jose Luis Sabas Obra eta Zerbitzu delegatuak jakitera eman duenez.
Etxebizitzen kokapenaren arabera presio jaitsiera txikiagoa edo handiagoa izango dela azpimarratu du Sabasek.
Sareak eraberritzeko lanen azken fase hori bi milioi euroko aurrekontua izan du eta iragan uztailean hasi zen.
Edozein gertaera jazoko balitz, edo etxeetara urik heltzen ez bada, hiritarrek honako telefonoa dute eskuragarri: 94 424 99 09. Uraren zerbitzurako telefonoa da.
Euskadi Irratiko azken albistegia
webgunearen portadan, erabiltzaileek emandako botoei esker:
Aupatu
Zabaldu
