Partida kaskarra jokatu dute armaginek

Eibarrek ezin izan zuen Salamanca talde serioa gainditu eta denboraldiko 14. porrota jaso zuen Helmanticon (1-0).

Etxekoek lehen zatiko 8. minutuan lortu zuten gola. Arriskuko aurreneko jokaldia zen, eta Postigok pase ona eman zion Isaaci. Honek eskura jarri zion gola David Rodriguezi. Salamancak aldea handitzeko aukera gehiago izan zituen, baina gehienetan jokoz kanpo.

Eibarrek ere banakoa lortzeko hainbat abagune sortu zituen. Codina izan zen jokaldi horietako protagonista nagusia, baina ez zuen Pagola atezainaren aurrean asmatu.

Bigarren zatian ontzat eman zuten emaitza bi taldeek eta garaipena Salamancan geratu zen azkenean.

- Fitxa teknikoa:

1 - Salamanca: Pagola, Raul Gañan, Pelegrin, Catala, Dani Lopez; Bruno, Bustos; Isaac, Dañobeitia (Toti, 57'); Postigo (Diego Torres, 66'); David Rodriguez (Acuña, 82')

0 - Eibar: Cuellar; Txiki, Urzelai, Biel Medina; Raul, Zamora (Altuna, 55'); Codina, Carmelo; Lombraña (Medina, 77'); Nacho Insa eta Goiria (Yague, 71').

Gola: 1-0, 8': David Rodriguez.