Flaño: "Inoiz baino gogo handiagoa dugu irabazteko"

argazkia handitu

Miguel Flaño hasierako hamaikakora bueltatuko da Igandean. Argazkia: EFE

Osasunak, partida garrantzitsua du Igande honetan, Alfonso Perez Coliseumean.

Badirudi Miguel Flañok hasieratik jokatuko duela Getaferen aurka eta honek "inoiz baino gogo handiagoarekin goaz" adierazi du. "Orain aukera jokatzeko aukera edukiko dut eta aukera hori aprobetxatu beharra daukat" gaineratu du.

Getaferen aurka "partida ona egin behar dugu,bai bakarka, baita taldeko lanari dagokionean ere" esan du Flañok.

Talde madrildarra denboraldi ona burutzen ari da eta ez dute lan erraza edukiko Osasunako jokalariek. Getaferen zelaia eta taldeari buruz ere hitz egin du Flañok: "Zelai desberdina da, baloiak bote handia ematen du eta beraiek ohituta daude han jokatzera, baina ez gara horri begira egon behar, irabazteari soilik begiratu behar diogu".

Osasuna jaitsieratik hurbil dago eta Miguel Flañok taldearen egerari buruz ere hitz egin du. "Egoera zaila da. Goikaldean zaudenean errazagoa da, baina orain da aurpegia emateko ordua" esan du Osasunako defentsak.