Mari Luz Cortesen ustezko hiltzailea zer dela eta zegoen aske ikertuko dute

argazkia handitu

Juan Cortes, Mari Luzen aititea, epaitegian ostegun honetan. Argazkia: EFE

Erlazionatutako albisteak

• Irainka eta harrika egin diote harrera Auzitegian ustez Mari Luz hil zuenari
• Mari Luzen aitak "zuzentasunik zuzenena" eskatu du
• Mari Luz Cortesen hilotza aurkitu dute itsasoan

Botere Judizialaren Kontseilu Nagusiak (CGPJ) ikerketa hasi du Mari Luz Cortes neskatoaren ustezko hiltzailea zer dela eta zegoen aske argitzeko.

Izan ere, gizonari bi kartzela-zigor ezarri zizkioten duela urte batzuk. Bat, 2002an, bost urteko alabari sexu-abusuak egiteagatik, eta beste bat, 2002an, 9 urteko beste neskato bati ere abusuak egiteagatik.

Bi zigorrak, baina, ez dira gauzatu, Lurralde Auzitegiak baieztatu zituenean gizonak ihes egin zuelako.

Iturri judizialen arabera, epaileak gizona bilatzeko eta atxilotzeko agindu zuen, baina Espainiako Poliziak eta Guardia Zibilak ukatu egin dute halako agindurik jaso zutela.

Biziarteko zigorra, eztabaida kalean da

Auzi batek gizartean kezka sortzen duen bakoitzean, biziarteko zigorraren eztabaida piztu egiten da Espainiako Estatuan. Mari Luz Cortesen hilketan ez da salbuespenik izan.

Oraingoan Enrique Lopez CGPJko bozeramaileak hasi du eztabaida. Kontuaz hitz egin behar dela esan du, Konstituzioaren arabera posible baita.

Ondoren, Arturo Canalda Madrilgo Adingabeen Defendatzaileak Enrique Lopezen eskaera babestu egin du. "Ez zaio arrazoirik falta", nabarmendu du.