2008/03/27
"Bihar, denok elkarrekin entrenatzen dugunean Getafen irabazteko dugun gogoa ikusiko da. Betisen aurka ez genuen emaitza onik lortu, baina aukerak izan genituen eta azken partidetako bidetik jarraitu nehar dugula usted ut nik", esan du Osasunako harrobiko aurrelari Kike Solak, Espainiako 21 urtez azpikoen selezkioarekin bilduta izan ostean Taxoarera itzuli den egunean igandean Getafen jokatu beharreko partidaren inguruan galdetu diotenean. Igandean punteria hobea erakustea espero du Kaskanteko aurrelariak: "Etxetik kanpo gol bakarra sartu dut, Sevillan, eta ez zuen ezertarako balio izan. Dena dela, aukerak izaten ari naiz eta puntería zuzentzea da orain gakoa", esan du Nafarroako Erriberako mutilak.
Solak ez du uste Getafek arreta beste nonbaiten izango duenik igandean, nahiz eta egia den lau egun geroago euren historiako partidarik garrantzitsuena jokatuko dutela, Munitxeko Bayernen aurka UEFA Kopako final laurdenetan: "Hiru lehiaketatan egotea ez da samurra, baina ez dut uste Getafe despìstatuta harrapatuko dugunik, ezetz uste dut nik. Ez dut uste UEFAko partidarako indarrak gordeko dituztenik, hiru puntuen bila joango dira", esan du aurrelari gorritxoak.
webgunearen portadan, erabiltzaileek emandako botoei esker:
Aupatu
Zabaldu
