Etxeberriaren 100 golak

argazkia handitu

Etxeberria pozik 100. gola sartu ondoren. Argazkia: EFE

Erlazionatutako albisteak

• Athleticek lasaitasuna eskuratu du lortutako garaipenarekin
• Caparros: "Ongi sailakatuta gauden arren, matematikek ez dute balio"
• Garmendia: "Ez dut gau ona pasatu eta buruko minak eduki ditut"

Erlazionatutako galeriak

• Athletic - Getafe

Elgoibarko aurrelariak denboraldiko laugarren gola egin zuen, zalantzarik gabe, urteko bereziena. Alde batetik, talde zuri-gorria sailkapeneko zortizgarren postuan jarri duelako denbora handiz sufritzen egon ondoren eta, bestalde, aurrelaria 100 gol sartu dituzten jokalarien talde aipagarriaren barruan sartu duelako.

Getaferen aurkako golarekin, Etxeberriak denboraldiko laugarrena erdietsi zuen. Lehendabizikoa Almeriaren kontra izan zen San Mamesen, hiru urteko epe luzean Katedralean golik sartu gabe egon ondoren. Hurrengo hiru golak zaletu zuri-gorrien aurrean heldu ziren, hain zuzen ere –bi Recreativori eta bestea Getaferi-.

Etxebek 86 gol sartu ditu Ligan Athleticekin, 10 Errege Kopan, 2 Txapeldunen Ligan eta beste bi UEFA Txapelketan, eta Athleticen historian partida gehien dituen bosgarren jokalaria da (465) Iribar, Rojo, Gainza eta Orueren atzetik.

Ibaiganeko klubera heldu zen 95-96 denboraldiaren hasieran Realetik, eta orduz geroztik, Elgoibarkoak beti lekua izan du entrenatzaile guztien hasierako hamaikakoetan.

Bere lehen gola 1995eko irailaren 3an egin zuen Racingen kontra Stepanovicen aginduetara. 2008ko martxoaren 3an, ehungarrena.