Irteera operaziorako neurriak, martxan EAEn

argazkia handitu

Gaur hasiko da irteera operazioa. Argazkia: EFE

Multimedia

• Herrizaingo sailaren aholkuak, irteera operazioari begira

Erlazionatutako albisteak

• Hasi da Aste Santu hotz eta euritsua
• Webgune batek Euskadiko 39 radar finkoak non dauden argitara eman du
• Erregai-tanga betetzea 6-12 euro garestiago izango da Aste Santuan

15:00etan jarri ditu martxan Herrizaingo Sailak Aste Santua dela eta izango den irteera operaziorako neurri bereziak, istripuak gutxitzeko eta zirkulazioa errazteko helburuarekin.

Itzulera fasea asteleheneko (hilak 24) 15:00etik 22:00era izango da.

Maiatzaren leheneko zubirako, neurriak asteazkeneko (apirilak 30) 15:00etik igandeko (maiatzak 4) 22:00era izango dira martxan.

Egun horietan Ertzaintzak zaintza lanak areagotuko ditu eta Euskadiko errepideetako zirkulazioa normaltasunez ibil dadin saiatuko da.

Martxan jarriko dituzten neurrietan Euskadiko Zirkulazioaren Kudeaketa Zentroak parte hartzen du. 82 kameraren bidez zirkulazioaren egoera zein den kontrolatzen du eta, gainera, sentsore sistema bat hedatuta du errepideetako sare nagusian.

Zentro horrek informazioa eta aholkuak eskaintzen dizkie erabiltzaileei bide nagusietan jarritako 41 panelen bidez. Halaber, 902 112 088 telefonoa eta webgunea gidarien esku daude.

SOS Deiak zerbitzua Zirkulazioaren Kudeaketa Zentroarekin elkarlanean ibiliko da. Larrialdietako zerbitzuak koordinatu egiten ditu SOS Deiakek.