Urtarrilean bahitutako lau turista aske utzi ditu FARCek

argazkia handitu

Ozeano Bareko kostaldean askatu zituzten bahituak. Argazkia: EiTB

Multimedia

• Aske geratu dira FARCek bahitutako lau turistak

Erlazionatutako albisteak

• Amerikaren zatiketa
• Kolonbiaren jarrera "gogor gaitzesteko" eskatu dio Ekuadorrek nazioarteari
• Kolonbiak Ekuadorren subiranotasuna bortxatu zuela adostu dute biek
• Correa: "Ekuadortarren bat hil izan balitz, gerran egongo ginateke"
• "Raul Reyes" FARCeko zuzendaritzako bigarrena hil du Kolonbiako Armadak

FARC Indar Armatu Iraultzaile Kolonbiarrek aske utzi dituzte urtarrilaren 13an Nuqui udalerrian, Ozeano Bareko kostaldean, bahitutako sei turistetatik lau.

Bahituak Choco eskualdeko oihanean, jakitera eman ez duten toki batean, utzi dituzte aske, Gurutze Gorriko Nazioarteko Batzordearen (CCRI) eskuetan, iturri militarrek azaldu dutenez.

Operazioaz arduratzen ari den erakundeak esan dienez, lau lagunak Quibdo hirirako (Chocoko hiriburua) bidean zeuden arratsalde partean (goizaldea Euskal Herrian), jakitera eman du Hector Aguas Kolonbiako Armadako komandanteak.

"Bahituak oso osasun egoera onean daudela", adierazi du Aguasek eta CCRIk ez duela askatze operazioa non gertatu den eta askatutako lagunen nortasunari buruzko daturik eman nahi izan gaineratu du.

Halere, Armadak dagoeneko esan duenez, Ana Maria Aldana Serrano biologoa; Cesar Hoyos Benitez, Nuquiko hotel baten jabea; Hernando Martinez Rodriguez, irakaslea eta Jose Arnulfo Rodriguez Barrera merkataria dira aske gelditutakoak