Kolonbiaren jarrera "gogor gaitzesteko" eskatu dio Ekuadorrek nazioarteari

argazkia handitu

Correa eta Chavez Caracasen egin duten bileran. Argazkia: EFE

Erlazionatutako albisteak

• Kolonbiak Ekuadorren subiranotasuna bortxatu zuela adostu dute biek
• "Raul Reyes" FARCeko zuzendaritzako bigarrena hil du Kolonbiako Armadak
• Correa: "Ekuadortarren bat hil izan balitz, gerran egongo ginateke"
• Uribek Chavez salatuko du, "terrorismoa babesten" duelakoan
• Correa: "Kolonbiaren erasoak Betancourten askatzea zapuztu zuen"
• FARCek Ekuadorrekin eta Venezuelarekin "akordioak" dituela dio Kolonbiak
• Krisi handia piztu da Kolonbian, eta Ekuadorren eta Venezuelaren artean
• Kolonbian duen enbaxada itxi eta Armada mugara bidali du Chavezek
• "Akordio humanitarioa" bilatzen jarraitzeko deia egin du FARCek
• Correak "erasoa" gaitzetsi eta "gezurra esatea" leporatu dio Uriberi

Rafael Correa Ekuadorreko presidenteak esan du bere gobernua ez dela "lasai geratuko" nazioarteko komunitateak Kolonbiaren jarrera "gogor gaitzetsi" arte, Ekuadorren "subiranotasuna bortxatzeagatik".

Caracasen Hugo Chavez Venezuelako presidentearekin bildu ondoren, OEAren ebazpenarekin gustura agertu da Correa, Kolonbiak Ekuadorren subiranotasuna "bortxatu" zuela adierazi baitu, baina auzia ez dela amaitu ohartarazi du.

"Aukera diplomatiko guztiak agortzen ari gara erasotzailea (Kolonbia) gaitzetsi dezaten, baina nazioarteko komunitateak ez badu baldintzarik gabe, garbi, gaitzesten erasotzailea, Ekuadorrek jakingo du nola erantzun jasandako erasoari" esan du Correak.

Bi herrialdeen arteko krisia, Venezuelara ere iritsi dena, Kolonbiako militarrek Ekuadorreko lurretan zegoen FARCen kanpamendu bati egindako erasoarekin hasi zen. Operazio horretan Raul Reyes FARCeko 'bigarrena' eta 20 bat gerrillari hil zituzten militar kolonbiarrek Ekuadorreko lurretan sartuz.

Uribek horrelako operaziorik ez errepikatzeko konpromisoa hartu du

Alvaro Uribe Kolonbiako presidenteak esan du aurreko larunbatean FARCeko 'bigarrena' hil zutenean bezalako operaziorik "ez errepikatzeko" konpromisoa hartzen duela baina bere herrialdeari erasorik ez egiteko eta "terroristei babesik ez emateko" exijitu du.

Gaur gauean Nariño Jauregian, Presidentziako egoitzan, Kolonbiako komunikabideetako zuzendariekin eta nazioarteko agentzietako kazetarien egindako bilera batean, OEAren ebazpena onartzen duela eta ardura guztia bere gain hartzen duela esan du.

Ondoren, herrialdeen artean "zintzotasuna" eskatu du eta "irtenbide diplomatiko" baten alde egin du.