Eibartarrek itzuli oso bat egin dute kanpoan irabazi gabe

argazkia handitu

Eibarrek zailtasunak ditu Ipuruatik kanpo garaipenak lortzeko. Argazkia: EiTB.

Erlazionatutako albisteak

• Partida kaskarra jokatu dute armaginek Sevillan

Eibarren azkeneko porrotak Sevilla Atleticoren aurka (2-0), talde gipuzkoarrak etxetik kanpo garaipenak eskuratzeko dituen zailtasunak konfirmatu ditu. Azkeneko garaipena Cadizen lortu zuten armagileek orain dela bost hilabete.

Datorren larunbatean Mandiolaren jokalariek andaluziarren kontra jokatuko dute. Hala, itzuli oso bat beteko dute bisitari moduan azkeneko garaipena lortu zutenetik.

Eibarrek dituen 34 puntuetatik, 11 baino ez ditu lortu Ipuruatik kanpo. Horietako zazpi, gainera, aurreneko jardunaldietan lortu zituzten. Azken bederatzi partidetan bakarrik lau puntu erdietsi dituzte gipuzkoarrek.

Gainera, aipatu partidarako Manel baja da fibra haustura baitu ezker zangoko koadrizepsean, egindako ekografian ikusten daitekeenez. Gaur erresonantzia egingo diote lesioa konfirmatzeko.