Kolonbian duen enbaxada itxi eta Armada mugara bidali du Chavezek

argazkia handitu

Hugo Chavez. Argazkia: EFE

Erlazionatutako albisteak

• "Raul Reyes" FARCeko zuzendaritzako bigarrena hil du Kolonbiako Armadak
• Correak "erasoa" gaitzetsi eta "gezurra esatea" leporatu dio Uriberi
• "Akordio humanitarioa" bilatzen jarraitzeko deia egin du FARCek

Hugo Chavez Venezuelako presidenteak Defentsa ministroari hamar batailoi mobilizatzeko eta Kolonbiako mugara bidaltzeko agindu dio. Gainera, Nicolas Maduro Kanpo Gaietarako ministroari Bogotan duten enbaxada ixteko agindu dio, Ekuadorrekiko elkartasun keinu modura. Izan ere, Kolonbiako Armadak Raul Reyes FARCeko bozeramailea hil zuen atzo Ekuadorren eta bertako eta Venezuelako agintariek gogor kritikatu zuten ekintza hori.

Rafael Correa Ekuadorreko presidenteak Kolonbian duen enbaxadorea Quitora deitu zuen atzo gertatu zenaren aurrean protesta egite aldera. Alvaro Uribe Kolonbiako presidenteari Reyes hil zen operazioaren inguruan gezurrak esatea leporatu zion Correak, izan ere, bere ustez "sarraskia" izan zen atzokoa, ez defentsa legitimo ekintza bat.