Georgiako eta Iparraldeko literatur sorkuntza hizpide azken-aurreko egunean

argazkia handitu

Landako eraikina jendez beteta dago egunero. Argazkia: EFE

Multimedia

• Haurrei zuzendutako kalea dago Durangoko Azokan

Erlazionatutako albisteak

• Asier Serrano: "Idazle abizena nire izenaren atzetik jartzen ikasi dut"
• Alemanera itzulitako liburuen aurkezpena, eguneko ekitaldi nagusienetakoa
• Martxa onean hasi dira salmentak
• Haurrak protagonista Durangoko Azokaren lehen egunean

Erlazionatutako galeriak

• Durangoko Azoka asteburuan beteta
• Durangoko Azoka: Familia giroa Landakon
• Durangoko Azoka: Umeak protagonista lehen egunean

Durangoko Azokako antolatzaileek diote salmentak ondo doazela, eta lehen bi egunetan jende asko hurbildu dela. Gaur, Azokaren egun garrantzitsua izango da, Gerediaga Elkarteak Durango Argizaiola izeneko omenezko saria emango baitio Ipar Euskal Herriko Maiatz aldizkaria sortzen duen izen bereko elkarteari.

Gaur, gainera, liburu ugariren aurkezpen ekitaldiak egingo dituzte, gehienak iparraldetik heldutakoak. Horrela, Xipri Arbelbidek Xuri gorriak lanaren aurkezpena egingo du; Eneko Bidegainek Iparretarrak. Erakunde politiko armatu baten historia liburua aurkeztuko du; Mixel Thikoipek Hotz bero eta Amaia Hennebuttek Lodikroko.

Larunbatekoa, jardunaldirik nazioartekoena izango da, Georgiatik etorritako gonbidatuen hitzaldi eta guzti. David Turashvilik eta David Magradzek herrialde ezezagun eta txiki hartako literatura ekarriko dute azokara.

18:30ean mahaingurua egingo dute Elkartegian 'Hemen jaungoikoari ere barre' lelopean. Parte hartzaileak Imanol Lazkano eta Pello Zabala izango dira.

Gauean, berriz, Ken Zazpiren kontzertua izango da 22:30ean Landako eraikinetik oso gertu, Plateruena Kafe Antzokian.

Bestalde, egun osoan zehar beren azken lanak sinatzen izango dira autore ugari: Xabier Amuriza, Jon Arretxe, Javier Vizcaino, Roberto Moso, Xabier Mendiguren, Katixa Agirre, Eneko Bidegain eta Ken Zazpi taldea, besteak beste.