Gabilondo izan daiteke nobedade nagusia Valladoliden aurka

argazkia handitu

Igor Gabilondo. Argazkia: EFE

Erlazionatutako albisteak

• Aduriz: "Valladoliden oso gustura egon nintzen"
• Koikili: "Ezker hegalarekin obsesio apur bat dago"
• 3.000 zale zuri-gorri inguru izango dira Valladoliden

Igor Gabilondo izan daiteke Athleticen nobedade nagusia Valladoliden aurkako neurketan. Añorgako ezker hegalekoa ohiko titularrekin aritu da erdilari eta aurrelari zuri-gorriek Lezaman egin duten lan saioan. Jokatzen badu, bigarren aldiz arituko da hasierako hamaikakoan.

Eskuin hegalean duda gehiago du entrenatzaileak. Asteazkeneko lan saioan Iraola eta David Lopez tartekatu ditu. Halaber, erasoan Joseba Etxeberria izango da Aritz Adurizen bikotea.

Bi aurrelariek sarri askotan erakutsi dute oso ongi konpontzen direla elkarren artean.